ସିଦ୍ଧିକା ପାଇଁ ତିନୋଟି ଲୁଲାବାୟା

                                    1

                             କାଉ ରେ କାଉ 

                            କୋଉଠି ଲୁଚିଛୁ ଜଲଦି ଆଉ 

                            ସିଦ୍ଧିକା ଆମର ମାମୁ ଘର ଯାଉ 

                            କାଉ ରେ କାଉ ତୁ ଜଲଦି ଆଉ .କାଉ ରେ କାଉ 

                            ମାମୁ ଘରେ ଅଛନ୍ତି ଅଜା 

                            ନିଶ ତାଙ୍କର ବଙ୍କା ବଙ୍କା 

                          ତାକୁ ସଳଖ କରିବ, ସଳଖ କରିବ 

                               ଆମ ସିଦ୍ଧିକା . କାଉ ରେ କାଉ ....

                                         2

                                  କାଉରେ କାଉ 

                          କୋଉଠୁ ଲୁଚିଛୁ ଜଲଦି ଆଉ 

                          ସିଦ୍ଧିକା ଆମର ମାମୁ ଘର ଯାଉ 

                 କାଉରେ କାଉ ତୁ ଜଲଦି ଆଉ, କାଉ ରେ କାଉ 

                          ମାମୁ ଘରେ ଅଛନ୍ତି ଆଈ 

                           ରଖିଛନ୍ତି କେତେ ଗାଈ 

                           ସିଦ୍ଧିକା ଆମର ସୁନା ଝିଅ 

                             କ୍ଷୀର  ପିଏ ଘାଇ ଘାଇ . କାଉ ରେ କାଉ ...

                                      3

                              କାଉ ରେ କାଉ 

                     କୋଉଠି ଲୁଚିଛୁ ଜଲଦି ଆଉ 

                     ସିଦ୍ଧିକା  ଆମର ମାମୁ ଘର ଯାଉ 

             କାଉରେ କାଉ ତୁ ଜଲଦି ଆଉ, କାଉ ରେ କାଉ 

                       ମାମୁ ଘରେ ଅଛନ୍ତି ମାଇଁ 

                           ରଖିଛନ୍ତି ସେ ଜ୍ୱାଇଁ 

                  ସିଦ୍ଧିକା ଆମର ଉଡ଼ିଯାଏ ସାଇଁ ସାଇଁ . କାଉରେ କାଉ ...

ତୁମ ଆଖି

 ଆୟତ ନୟନେ ଅୟୁତ ସପନ 

ଅଣାୟତ୍ତ କରେ ମୋତେ 

ଦିବସ ରଜନୀ ନମାନି ସଜନୀ 

ଶର ମାରେ ଅବିରତେ  

କେମନ୍ତ ସେ ଆଖି, ଘୁମନ୍ତ ରଜନୀ 

ଆଡେଇ ଦେଇ ସେ ଆସେ 

ବାତାୟନ ଭେଦି ବାତ୍ୟା ପରି ସଖି 

ସଂଭ୍ରମ ଉଡ଼ାଇନିଏ 

ଯେତେ ଟାଳ ଟୁଳ ନ ମାନେ ତ ସଖି 

ମନରେ ସପନ ବୁଣେ 

ରାତି ଅଧଟାରେ ପାଗଳ ଭଅଁର 

ପରି  ଚାରିପାଖେ ବୁଲେ 

କେମନ୍ତ ବର୍ଣ୍ଣିବି ସେ ଆଖିର ଭାଷା 

ଭାଷା ମୋର ଅଂଟେ ନାହିଁ 

ପାଗଳ ଭଅଁର ଯେସନେ କାଟଇ 

ପଦୁଅଁ ଭିତରେ ରାତି 

ସଖି ମୋର ପ୍ରୀତି ତୁମ ସହ ରତି 

ଜୀବନର ଶ୍ରେଷ୍ଠ ପ୍ରାପ୍ତି 

ଅମରାବତୀର ଅମୃତ ସମ 

ଅନିର୍ବଚନୀୟ ପ୍ରାପ୍ତି ସେତ 

ଆୟତ ନୟନେ ଅୟୁତ ବର୍ଷର 

ଗାଉଅଛି ପ୍ରୀତି ଗୀତ 

ସେ ଗୀତ ଶୁଣି ଜୀବନ ନଉକା 

ତୁମ ତୀରେ ଭାସୁଥାଏ 

ତୁମେ ମୋ ଅତୀତ 

ବର୍ତମାନ ପୁଣି 

ଭବିଷ୍ୟର ସାଥେ ସାଥେ 

ତୁମ ବିନା ଜୀବ-ରଥ ନ ଚାଲଇ 

ତୁମେ ସାରଥି, ଜୀବନ ରଥେ .

ସଵୁଜ କଵିତା - ଫଟୋ ଦେଖି ଲେଖଂତୁ କବିତା