କଦମ୍ବର ଡାକ
ହଳଦିଆ ଧାନଖେତର ଆଇନାରେ ମୁଂହ ଦେଖେ ଗେରୁଆ ଆକାଶ
ଗୋଧୁଳି ଲଗ୍ନ୍ରରେ ଖୋଜେ ସଂଜତାରା ଜହ୍ନର ମିଳନ
ଦିଗ୍ ବଳୟ ଆଡୁ ଧୀରେ ଧୀରେ ବିଭାବରୀ ମୁଂହକାଢେ
ଜହ୍ନ ସାଥେ ମିତ ବସି ବିଂଚିଯାଏ ପ୍ରେମର ସଂଦେଶ
ଗାଁମୁଣ୍ତ ପଖୋରୀରେ ନୀଳକଈଁ ରଚେ ରାସ ଜୋଛନାର ସାଥେ
ବହୂଚୋରୀ ଖେଳଛାଡି ଆନମନା ସୁନାନାକୀ ଝିଅ
ଲୁଚି ଲୁଚି ଦେଖୁଥାଏ ଜୋଛନାର ରାସ
ବିଳମ୍ବ ସଂଜରେ ଟାଣିନିଏ ବଈଁଶୀର ସ୍ବର
ରାଧାଭାବ କାଳେସୀରେ ଝୁଲୁଥାଏ ବେପଥୁ ଶରୀର
ନୀଳକଈଁ ଜୋଛନା ବଈଁଶୀର ସ୍ବର
ବାଟବଣା କରିଦିଏ କଦମ୍ବର ଡାକ
ଏବେ ଦିନବେଳେ ସ୍ବପ୍ନ ଦେଖେ ହାଇମାରେ
ଖୋଜୁଥାଏ ଜୋଛନାର ରାସ /
No comments:
Post a Comment